ശ്രീ ജയശങ്കറിനോട്, വേണുവിനോടും ഒപ്പം നികേഷ് കുമാറിനോടും!

**Mohanan Sreedharan | 55 Comments so far **
ഇതുവരെ ഈ പോസ്റ്റ് വായിച്ചവര്‍:
                          ആദ്യം ഈ വീഡിയോ കാണുക.നിങ്ങളില്‍ ചിലരെങ്കിലും ഇത് നേരിട്ട് ടി വിയില്‍ കണ്ടുകാണും.എന്നാല്‍ റ്റിവി യില്‍ കാണാനുള്ള ഭാഗ്യമോ നിര്‍ഭാഗ്യമോ ലഭിച്ചിട്ടില്ലാത്തവര്‍ ഈ വീഡിയോ കാണുക.
                              ശ്രീ പ്രേമചന്ദ്രന്‍ , ശ്രീ സുനില്‍ കുമാര്‍ (?), പിന്നെ എനിക്ക് പേരറിയാന്‍ കഴിയാത്ത ഒരു യുവനേതാവും ആണ് അവതാരകന്‍ വേണുവിന്റേയും അഡ്വ.ജയശങ്കറിന്റേയും കൂടെയുള്ളത്.രാഷ്ട്രീയക്കാരുടെ മുഖങ്ങളില്‍ പ്രത്യേകിച്ചൊരു വികാരവും കാണാന്‍ കഴിയുന്നില്ല.ഒരു പക്ഷെ അഡ്വ.പറയുന്ന കാര്യങ്ങളോട് പ്രത്യേകിച്ച് താല്പര്യമൊന്നുമുണ്ടായിരിക്കുകയില്ല,അല്ലെങ്കില്‍ ഇവരെല്ലാം പരസ്പരം കാണാനും കേള്‍ക്കാനും കഴിയാത്ത ഇടങ്ങളില്‍ വേറെ വേറെ ആയിരിക്കും ഇരിപ്പ്.
                  ഇനി നമ്മള്‍ വീഡിയോവില്‍ കണ്ടതുപോലെ ജയശങ്കര്‍ ഇരുന്ന് ശ്രീ.പിണറായി വിജയനെ തെറി വിളിക്കുകയാണ്.മാന്യതയും സംസ്കാരവും ഉള്ള ഒരാള്‍ക്കും പറയാനോ കേള്‍ക്കാനൊ കൊള്ളാത്ത വാക്കുകള്‍ ആണദ്ദേഹം മൊഴിയുന്നത്.പീണറായിയെ ആദ്യം അദ്ദേഹം മനോരോഗി എന്നു വിളിക്കുന്നു, പിന്നെ ആ വിളിക്ക് ഉദ്ദേശിച്ച ഒരു ഇഫക്ട് വരുന്നില്ല എന്നു കരുതിയാകണം നായ എന്നും ഭ്രാന്തന്‍ നായ എന്നും ഒക്കെ വിളിക്കുന്നത്.പിണറായി എന്ന നായ ആരെയൊക്കയോ കടിച്ചതും ഇനി ആരെയൊക്കെയോ കടിക്കാനിരിക്കുന്നതായും അദ്ദേഹം പറയുന്നു.എന്നാല്‍ ആ ലിസ്റ്റിലൊന്നും ( കടി കിട്ടിയവരുടേയോ ഇനി കിട്ടാനിരിക്കുന്നവരുടേതോ)  ശ്രീ അഡ്വക്കേറ്റിനെ കാണുന്നില്ല.
                     കേരളത്തിലെ എന്നല്ല ലോകത്തിലെ തന്നെ ഒരു ചാനലിലും ഇത്രയും മോശമായി ഒരു രാഷ്ട്രീയക്കാരനെ - ഒരു പാര്‍ട്ടിയുടെ സംസ്ഥാന നേതാവിനെ - ആരും തെറി വിളിക്കുകയോ പറയുകയോ ചെയ്തിട്ടുണ്ടാവില്ല.രാഷ്ട്രീയക്കാര്‍ തമ്മില്‍ പരസ്പരം കായികമായി പോരടിക്കുന്നതും അടികൂടുന്നതും കണ്ടിട്ടുണ്ട് ടി വിയില്‍.എന്നാല്‍ ഒരു മൂന്നാം കക്ഷി ഇത്രയും മോശമായ ഭാഷയില്‍, തന്നോട് യാതൊരു ദ്രോഹവും ചെയ്യാത്ത ഒരു നേതാവിനെ നായ എന്നും മറ്റും വിളിക്കുന്നത് ചരിത്രത്തിലാദ്യമായിരിക്കും.അപ്പോള്‍ ഇങ്ങനെ പിണറായിയെ തെറി വിളിക്കാന്‍ എന്താണ് അദ്വക്കേറ്റിനുണ്ടായ പ്രകോപനം?
                   അഡ്വക്കേറ്റ് ജയശങ്കറുമായോ അദ്ദേഹത്തിന്റെ കുടുംബപരമ്പരയില്‍ പെട്ട ആരെയെങ്കിലുമായോ പിണറായി വിജയന്‍ എന്തെങ്കിലും പ്രശ്നമുണ്ടാക്കിയതായി ആരെങ്കിലും ഒരിക്കലും പറഞ്ഞു കേട്ടിട്ടില്ല. ശ്രീ ജയശങ്കര്‍ പൊലും നാളിതുവരെ ഇങ്ങനെ ഒരാരോപണം ഉന്നയിച്ചിട്ടുമില്ല.പൊതുവേ ഇതൊക്കെയാണല്ലോ ചുമ്മ ഒരു പ്രകോപനവുമില്ലാതെ ഒരാളെ നായ എന്നു വിളിക്കാനുള്ള പ്രചോദനം.എന്നാല്‍ ഈയടുത്ത കാലത്ത് സി പി എമ്മിന്റെ കേരള സെക്രട്ടറിയായ പിണറായി തന്റെ എല്‍ ഡി എഫിലെ ഒരു സഖ്യകക്ഷിയെ വിമര്‍ശിച്ചിരുന്നു.അതിനദ്ദേഹത്തിനുണ്ടായ പ്രചോദനം കൂടെയുള്ള കക്ഷിക്ക് ഒരു പ്രശ്നമുണ്ടായപ്പോള്‍ ,മറ്റേ കക്ഷി വേണ്ട രീതിയില്‍ പ്രതികരിച്ചില്ല എന്നതാണ്.അതിന് മറ്റേ കക്ഷി കൃത്യമായി മറുപടിയും പറഞ്ഞു , എന്നാല്‍ അതില്‍ തൃപ്തി വരാതെ ശ്രീ പിണറായി വീണ്ടും വിമര്‍ശിക്കുകയും അതൊരു ദൌര്‍ഭാഗ്യകരമായ തര്‍ക്കമായി വളരുകയും ചെയ്തു.എന്നാല്‍ ഈ തര്‍ക്കം വളരുമ്പോള്‍ തന്നെ അവരിരുവരുടേയും അഖിലേന്ത്യാനേതാക്കള്‍ അതിലിടപെടുകയും തര്‍ക്കം സൌമ്യമായി പരിഹരിക്കാനാവശ്യമായ നടപടികള്‍ എടുത്തു വരുകയുമാണ്.എന്നാല്‍ തര്‍ക്കം വളരെ രൂക്ഷമായി നില്‍ക്കുമ്പോള്‍ പോലും ഇരു പാര്‍ട്ടിക്കാരും അവരുടെ പദപ്രയോഗങ്ങള്‍ വളരെ സൂക്ഷിച്ചാണ് ഉപയോഗിച്ചിരുന്നതെന്ന് നമുക്ക് കാണാന്‍ കഴിയും.ശ്രീ ജയശങ്കര്‍ ഉപയോഗിച്ചതിന്റെ നാലിലൊന്ന് രൂക്ഷതയുള്ള വാക്കുകള്‍ പോലും ഇവരാരും ഉപയോഗിച്ചു കണ്ടില്ല.
                ഇനി ഈ വഴക്കും തര്‍ക്കവും ബഹളവും ഒക്കെ സി പി എമ്മും സഖ്യകക്ഷിയുമായിട്ടാണ്.ഇവരാരും ശ്രീ ജയശങ്കറെ ഈ പ്രശ്നത്തില്‍ മധ്യസ്ഥതക്കോ മറ്റെന്തിനുമോ വിളിച്ചതായി ആരും പറഞ്ഞു കേട്ടില്ല.തന്നെയുമല്ല ശ്രീ ജയശങ്കര്‍ പോലും ഇങ്ങനെ അവകാശപ്പെട്ടു കേട്ടില്ല. ഇനി അഥവാ മറ്റേ കക്ഷി ഇനി ആര്‍ക്കെങ്കിലും വക്കാലത്ത് കൊടുത്തിട്ടുണ്ടെങ്കില്‍ അതൊരിക്കലും ജയശങ്കറിനേപ്പോലെ ഒരു മനുഷ്യനു വക്കാലത്ത് കൊടുക്കാന്‍ മാത്രം അത്രയും തരം താണിട്ടുമില്ല. പിന്നെ ഈ തെറിവിളിയുടെ പ്രകോപനമെന്താണു മി.ജയശങ്കറെ?
                   ഇനി ഇന്ന് നില നില്‍ക്കുന്ന  രാഷ്ട്രീയ സാഹചര്യം പരിശോധിച്ചു നോക്കാം. ദു:ഖകരമായ, അപലപനീയമായ ഒരു കൊലപാതകം നടന്നു.കഷ്ടകാലത്തിന്  സി പി എമ്മില്‍ നിന്നും തെറ്റിപിരിഞ്ഞ ഒരാളായിപ്പോയി കൊല ചെയ്യപ്പെട്ടത്.ഇതിനുമുന്‍പും നിരവധിപേര്‍ പാര്‍ട്ടിയുമായി തെറ്റിപിരിഞ്ഞ് പുറത്തു പോയിട്ടുണ്ട്.എന്നാല്‍ അവരിലാരെയെങ്കിലും കൊല ചെയ്ത ചരിത്രം മാര്‍ക്സിസ്റ്റുപാര്‍ട്ടിക്കില്ല.പക്ഷെ ഈ കൊലപാതകം നടക്കുമ്പോള്‍ കേരളത്തിലെ സാഹചര്യം സവിശേഷമായ ഒന്നായിരുന്നു.എന്താണാ സാഹചര്യമെന്ന് എല്ലാവര്‍ക്കുമറിയാമെന്നതുകൊണ്ട്  വിശദീകരിക്കുന്നില്ല.
               ആ കൊലയോടെ ഉയര്‍ന്നു വന്ന സാഹചര്യം മുതലെടുക്കുവാന്‍ ഭരണകക്ഷി രംഗത്തു വന്നു സ്വാഭാവീകമായിത്തന്നെ.ഭരണകക്ഷിക്ക് പിന്‍‌തുണയുമായി ,കള്ളപ്രചരണവുമായി സകലമാന വലതുപക്ഷ മാധ്യമങ്ങളും രംഗത്തെത്തി.അവര്‍ സംഘം ചേര്‍ന്നൊന്നായി നടത്തിയ ഓരിയിടലില്‍, ഉപതിരഞ്ഞെടുപ്പില്‍ ജയിക്കേണ്ടിയിരുന്ന എല്‍ ഡി എഫ് തോറ്റു തുന്നം പാടി.ഇത്രയുമൊക്കെയായി കാര്യങ്ങള്‍ വളര്‍ന്നിട്ടും, രൂക്ഷമായ തര്‍ക്കങ്ങളും ആക്ഷേപങ്ങളും ആരോപണങ്ങളും പ്രത്യാരോപണങ്ങളുമൊക്കെ ഉണ്ടായിട്ടും ആരും വ്യക്തിപരമായി ആരേയും ആക്ഷേപിച്ചിരുന്നില്ല എന്നത് നമ്മൂടെ ഉയര്‍ന്ന സംസ്കാരത്തിന്റെ ഗുണം കോണ്ടുമാത്രമായിരുന്നു. എന്നാലിന്ന് അതിന്റെയൊക്കെ കല്ലും പതിരും തെളിയാന്‍ തുടങ്ങിയിരിക്കുന്നു.ചന്ദ്രശേഖരന്‍ വധത്തിന്റെ കുറ്റപത്രം സമര്‍പ്പിച്ചു കഴിഞ്ഞു.ആ കുറ്റപത്രത്തില്‍ സി പി എമ്മിനെ കുടുക്കാനാവശ്യമായ യാതൊന്നുമില്ലെന്നാണ് ദി ഹിന്ദു ദിനപത്രം പറയുന്നത്.എന്നുവച്ചാല്‍ രാഷ്ട്രീയ ലാഭത്തിനു വേണ്ടി ഭരണകക്ഷി തട്ടിക്കൂട്ടിയുണ്ടാക്കിയതാണിതെന്നര്‍ത്ഥം.കാര്യങ്ങള്‍ ഇത്രയുമൊക്കെ വെളിവായിരിക്കുമ്പോഴാണ്  ശ്രീ ജയശങ്കര്‍  നിലാവത്ത് കുറുക്കന്മാര്‍ ഓളിയിടുന്നതുപോലെ അമറുന്നത്. എന്തിനാണിതെന്ന് ഒന്നു വിശദീകരിക്കാമോ ശ്രീ ജയശങ്കര്‍?
                ഇനി സി പി എം എന്നുപറയുന്നത് ജനങ്ങള്‍ക്കിടയില്‍ ഭരണഘടനാപ്രകാരം  പ്രവര്‍ത്തിക്കുന്ന ഒരു രാഷ്ട്രീയ പാര്‍ട്ടിയാണ്. നിയമം അനുശാസിക്കുന്ന രീതിയില്‍ ഭരണസ്ഥാപനങ്ങളില്‍ രജിസ്റ്റര്‍ ചെയ്ത് കാലാകാലങ്ങളില്‍ സ്വന്തം നിയമാവലിയനുസരിച്ച് മീറ്റിങ്ങുകള്‍ കൂടുകയും തിരഞ്ഞെടുപ്പുകള്‍ നടത്തി ഭാരവാഹികളെ തിരഞ്ഞെടുക്കുകയും ചെയ്യുന്ന ഒരു രാഷ്ട്രീയ പാര്‍ട്ടിയാണ്.അതിന്റെ സാമ്പത്തീക ഇടപാടുകള്‍ കാലാകാലങ്ങളില്‍ ഓഡിറ്റ് ചെയ്ത് ധനകാര്യവകുപ്പില്‍ സമര്‍പ്പിക്കുകയും ചെയ്യുന്നുണ്ട്.ഇന്നാട്ടിലെ മറ്റുപല വന്‍‌പാര്‍ട്ടികളും ഇത്തരത്തില്‍ യോഗങ്ങള്‍ ചേരുകയോ തിരഞ്ഞെടുപ്പുകള്‍ നടത്തുകയോ, കണക്കുകള്‍ കൃത്യമായി ഓഡിറ്റ് ചെയ്യുകയോ കണക്കുകള്‍ സമര്‍പ്പിക്കുകയോ ചെയ്യുന്നവയല്ല.എന്നുവച്ചാല്‍ ഇന്ന് നമ്മുടെ രാജ്യത്തുള്ള പലരാഷ്ട്രീയ പാര്‍ട്ടികളേക്കാള്‍ ഭേദം ഈ സി പി എം തന്നെയാണെന്നര്‍ത്ഥം.എന്നിട്ടും ആ പാര്‍ട്ടിയുടെ സംസ്ഥാന സെക്രട്ടറിയെ മറ്റു പ്രകോപനങ്ങളൊന്നുമില്ലാതെ തെറി വിളിക്കാന്‍ താങ്കള്‍കാര് അധികാരം തന്നു മി.ജയശങ്കര്‍?
               താങ്കളെപ്പോലെ തന്നെ സൃഷ്ടിച്ച അഛനാരെന്നും അമ്മയാരെന്നും അറിയാവുന്ന വ്യക്തിയാണ് ഈ പിണറായി വിജയനും.അദ്ദേഹവും താങ്കളെപ്പോലെ കുളിച്ച് വൃത്തിയായി നടക്കുകയും താങ്കളെപ്പോലെതന്നെ വൃത്തിയുള്ള വസ്ത്രങ്ങള്‍ ധരിക്കുകയും താങ്കളെ പോലെ തന്നെ മിതമായ ശുചിയായ ഭക്ഷണം കഴിച്ച് ജീവിക്കുകയും ചെയ്യുന്ന ഒരു വ്യക്തി തന്നെയാണ് അദ്ദേഹവും.താങ്കള്‍ക്ക് ഭരണഘടന അനുവദിച്ചു തന്നിരിക്കുന്ന എല്ലാ ആനുകൂല്യങ്ങളും ശ്രീ പിണറായി വിജയനുമുണ്ട്. അദ്ദേഹത്തെ താന്‍ വിശ്വസിക്കുന്ന രാഷ്ട്രീയ പാര്‍ട്ടിയില്‍ പ്രവര്‍ത്തിക്കുന്നതിനെ ആരും വിലക്കിയിട്ടുമില്ല.അതുകൊണ്ടുതന്നെ തനിക്ക് ശരിയെന്നു തോന്നുന്നത് ശരിയായ ഭാഷയില്‍ പറയാനുള്ള അവകാശവും അദ്ദേഹത്തിനുണ്ട്,അദ്ദേഹം അത് ചെയ്യുകയും ചെയ്യുന്നുണ്ട്.അദ്ദേഹം പറയുന്നത് തെറ്റാണെന്ന് താങ്കള്‍ക്ക് തോന്നുന്നുവെങ്കില്‍ അത് ശരിയായ ഭാഷയില്‍ പറയാനും അദ്ദേഹത്തെ വിമര്‍ശിക്കാനുമുള്ള അവകാശം താങ്കള്‍ക്കുമുണ്ട്.പക്ഷെ മി.ജയശങ്കര്‍ അതിനുപയോഗിക്കേണ്ടത് നല്ല മാന്യമായ ഭാഷയായിരിക്കണം, ഒരിക്കലും അതിന് കലുങ്കിനടിയിലെ ജാനുവിന്റെ ഭാഷ ഉപയോഗിക്കരുത് മി ജയശങ്കര്‍.
                താങ്കളോര്‍ക്കുന്നോ , പണ്ടൊരു ക്രൈം നന്ദകുമാര്‍ പിണരായിവിജയനെ പിന്നാലെ നടന്ന് അപകീര്‍ത്തിപ്പെടുത്താന്‍ ശ്രമിച്ചിരുന്നു.പിണറായി വിജയന് അവിടെ സമ്പാദ്യം, ഇവിടെ ഭാര്യയുടെ പേരില്‍ സമ്പാദ്യം എന്നൊക്കെ പറഞ്ഞ് കോടതികേസുകളുടെ ഒരു പ്രളയം തന്നെ അയാള്‍ സൃഷ്ടിച്ചിരുന്നു.എന്നാല്‍ പോലും അയാള്‍ ഇത്തരം കേട്ടാലറയ്ക്കുന്ന വാക്കുകള്‍ പിണറായിക്കെതിരെയോ തിരിച്ചോ ഉപയോഗിച്ചതായി കേട്ടിട്ടുണ്ടോ മി ജയശങ്കര്‍.അന്ന് ഈ നന്ദകുമാറിന് പിണറായിക്കെതിരെ കളിക്കാന്‍ പലരും പിന്നില്‍ നിന്ന് പണം നല്‍കിയതായി പറയപ്പെടുന്നുണ്ട്.അതുപോലെ താങ്കള്‍ക്കും ആരെങ്കിലും നല്‍കിയിട്ടുണ്ടോ മി ജയശങ്കര്‍?
                     ഞങ്ങളുടെ നാട്ടില്‍ വെള്ളമില്ലാത്ത കലുങ്കിനടിയില്‍ ഒരു ജാനു ഉണ്ടായിരുന്നു.ഞങ്ങളുടെ നാട്ടിലെ പിച്ചക്കാരും അതേ സ്റ്റാന്‍ഡാര്‍ഡിലുള്ള പലരും കാമം തീര്‍ക്കാന്‍ എത്തിയിരുന്നത് ഈ ജാനുവിന്റെ അടുത്തായിരുന്നു.ഇരുപത്തിയഞ്ചു പൈസ മുതല്‍ അഞ്ചു രൂപവരെയായിരുന്നുവത്രെ അവളുടെ റേറ്റ്.പിന്നെ ഒരു കഞ്ചാവ് ബീഡിയും നൂറു ചാരായവും കിട്ടിയാല്‍ വളരെ സന്തോഷം.ഇതുവകകളുമായി അവളുടെ അടുത്തെത്തുന്നവരേയും പിന്നീട് വഴിയേ പോകുന്നവരേയും തെറിവിളിക്കുക എന്നത് അവളുടെ ഹോബി ആയിരുന്നു.അങ്ങിനെ സഹികെട്ട് അവസാനം പോലീസെത്തി അവളെ അവിടന്ന് ഓടിച്ചു.ഇവള്‍ക്ക് കഞ്ചാവ് ബീഡിയും നൂറ് മില്ലി ചാരായവും വാങ്ങിക്കൊടുത്താല്‍  നാട്ടിലുള്ള  ആരേയും  അവള്‍ തെറിവിളിച്ചോളും.ഇതുതന്നെ തരമെന്ന് കണ്ട് പലരും ശത്രുതയുള്ള മാന്യന്മാരെ അവഹേളിക്കാന്‍ ഇവളെ കരുവാക്കി.ആ ജാനുവിനെയണ് മി ജയശങ്കര്‍ ഞാന്‍ ഇന്നലെ താങ്കളുടെ പ്രകടനത്തില്‍ കണ്ടത് എന്ന് ക്ഷമാപൂര്‍വം പറഞ്ഞുകൊള്ളട്ടെ മി.ജയശങ്കര്‍.
                  മറ്റൊന്നുകൂടി ഞാന്‍ ഇന്നലെ കണ്ടു.പ്രത്യേകിച്ച് പ്രകോപനമൊന്നുമില്ലാതെയുള്ള താങ്കളുടെ തെറിവിളി കണ്ട് ചുണ്ടിലൊരു ഗൂഡമന്ദസ്മിതവുമായി ഒരാള്‍ ഇരിപ്പുണ്ടായിരുന്നു, താങ്കളുടെ അടുത്ത്.മറ്റാരുമായിരുന്നില്ല അത്, ന്യൂസ് അവതാരകന്‍ ശ്രീ വേണുവായിരുന്നു അത്.താങ്കളെ ഇഷ്ടപ്പെടുന്ന താങ്കളുടെ ഒരാരാധകനായിരുന്നു ശ്രീ വേണു ഞാന്‍.എന്നാല്‍ ഇന്നലത്തെ താങ്കളുടെ ആ മന്ദസ്മിതം കണ്ടതോടെ ഞാന്‍ താങ്കളെ വെറുത്തുപോയി ശ്രീ.വേണു.ആ താങ്കളുടെ പുഞ്ചിരി എന്നെ ഓര്‍മ്മിപ്പിച്ചതെന്താണെന്നറിയാമോ വേണു.ജാനുവിന് കള്ളുവാങ്ങിക്കൊടുത്ത് തെറിപറയിക്കുന്നവന്‍ കലുങ്കിന്റെ ഓരം ചേര്‍ന്ന് “ഞാനൊന്നുമറിഞ്ഞില്ലേ” എന്ന മട്ടില്‍ ഒരിളം ഇളിയോടെ, തെറി കേള്‍ക്കുന്ന മാന്യനെ നോക്കിയൊരു ഇരിപ്പുണ്ട്. ആ ഇരിപ്പാണെന്നെ ഇന്നലെ താങ്കളുടെ പ്രകടനം ഓര്‍മ്മിപ്പിച്ചത്.എന്നിട്ടയാളൊരു ചോദ്യം ചോദിക്കും; “അവള്‍ പറഞ്ഞത് കേട്ടില്ലേ, സാറിനെന്തു പറയാനുണ്ട്” എന്ന്.തെറി കേട്ട മാന്യന്‍ അമേദ്യം ചവിട്ടിയ അറപ്പോടെ ഓടി രക്ഷപെടും.
                 ഇതേ ചോദ്യം തന്നെയല്ലെ മി.വേണു, ജയശങ്കറിന്റെ പ്രകടനം കഴിഞ്ഞപ്പോള്‍ താങ്കള്‍ ശ്രീ ദക്ഷിണാമൂര്‍ത്തിയോട് ചോദിച്ചത്. “കേട്ടില്ലെ, എന്തു പറയുന്നു ശ്രീ ദക്ഷിണാ മൂര്‍ത്തീ” എന്ന്. സത്യമായിട്ടും വേണു ഞാന്‍ താങ്കളെ വെറുത്തു പോയി.
                 റിപ്പോര്‍ട്ടര്‍ ചാനലിന്റെ ഉടമയായ ശ്രീ നികേഷ്കുമാറിനോടൊരഭ്യര്‍ത്ഥനയുണ്ട്.ചാനലിന് പബ്ലിസിറ്റി കിട്ടാന്‍, റേറ്റിങ്ങ് കൂട്ടാന്‍ ഒരു പാട് വഴികളുണ്ട്, എന്നാല്‍ അതിന് പണ്ട് മോഹന്‍‌ലാല്‍ പറഞ്ഞ ഒരു വഴിയുണ്ട്.ദയവായി അതു മാത്രം താങ്കള്‍ ചെയ്യരുത്, താങ്കളുടെ ശമ്പളക്കാരെക്കൊണ്ട് ചെയ്യിക്കുകയും അരുത്, ദയവായി.
Post a Comment